Արմինֆո.Հայաստանի կառավարությունը 25,2 մլն դրամ կհատկացնի տիպային նախագծի մշակմանը, որը թույլ կտա ավազի արդյունահանում իրականացնել սահմանամերձ Արաքս գետի գետաբերանում: Այդ մասին որոշումն ընդունվել է մայիսի 7-ին կառավարության նիստում։

Արմինֆո.«Կոնկուրս Մոնդիալ դե Բրյուսել 2026» գինու միջազգային համտես-մրցույթը Հայաստանի Հանրապետությունում անցկացնելու միջոցառումների ծրագրի կատարումն ապահովելու անհրաժեշտությամբ պայմանավորված՝ ՀՀ կառավարությունը մայիսի 7-ի նիստում ընդունել է որոշում։

Արմինֆո.Հայաստանի նախագահ Վահագն Խաչատուրյանն ընդունել է Philip Morris International ընկերության կորպորատիվ հարաբերությունների տնօրեն (գլխավոր տնօրենի տեղակալ) Քրիստոս Հարպանտիդիսի գլխավորած պատվիրակությանը։

Նախագահը ողջունել է հյուրերին և շնորհակալություն հայտնել Հայաստան այցելության, ինչպես նաև «Երևանյան երկխոսություն 2026» համաժողովին մասնակցելու համար։ Վահագն Խաչատուրյանն իր խոսքում կարևորել է ընկերության հետ ձևավորված բազմամյա արդյունավետ համագործակցությունը՝ ընդգծելով, որ այն ընդգրկում է տնտեսության, կրթության և գիտության ոլորտները։

ՀՀ նախագահի աշխատակազմի հաղորդագրության համաձայն, Վահագն Խաչատուրյանը միաժամանակ շեշտել է, որ կրթության և գիտության զարգացումը, ժամանակակից տեխնոլոգիաները և արհեստական բանականության ոլորտը Հայաստանի համար հանդիսանում են առաջնահերթություններ։ Այս ուղղությունները, ըստ նախագահի, լրացուցիչ խթան և անխոչընդոտ զարգացման հնարավորություններ են ստացել 2025 թվականի օգոստոսի 8-ին ստորագրված փաստաթղթից հետո ձևավորված նոր իրողությունների և Հայաստանի ու տարածաշրջանի համար բացված հնարավորությունների համատեքստում։ Նա հույս է հայտնել, որ առկա գործընկերությունը շարունակաբար կընդլայնվի՝ նպաստելով նոր նախաձեռնությունների կյանքի կոչմանը Հայաստանում։

Քրիստոս Հարպանտիդիսը շնորհակալություն է հայտնել ընդունելության համար՝ նշելով, որ ուրախ է առաջին անգամ այցելել Հայաստան և մասնակցել «Երևանյան երկխոսություն 2026» համաժողովին։ Նա բարձր է գնահատել Հայաստանի հետ համագործակցության ներկայիս մակարդակը և պատրաստակամություն հայտնել այն առավել զարգացնելու ուղղությամբ։

Հանդիպման ընթացքում քննարկվել են ընկերության գիտահետազոտական կենտրոնի գործունեությանը վերաբերող հարցեր՝ առանձնակի ուշադրություն դարձնելով կրթության և գիտության զարգացման կարևորությանը, ինչպես նաև ինժեներական քաղաքում ձևավորված համագործակցության արդյունավետությանը։

Անդրադարձ է կատարվել Philip Morris International ընկերության և Հայաստանի պետական մարմինների միջև համատեղ ծրագրերի և նախաձեռնությունների իրականացման հնարավորություններին։

Կողմերը կարևորել են նաև հումանիտար և հանրային շահին ուղղված ծրագրերի իրականացումը՝ ընդգծելով դրանց դերը սոցիալական պատասխանատվության խթանման գործում։ Հանդիպման ավարտին վերահաստատվել է փոխադարձ պատրաստակամությունը՝ քայլեր ձեռնարկելու համագործակցության ընդլայնման և խորացման ուղղությամբ։ 

Արմինֆո.Հայաստանում 58 կմ ավտոմոբիլային ճանապարհների վերակառուցման համար կուղղվի 13 մլրդ դրամ։ Այդ մասին որոշում է ընդունվել  ՀՀ կառավարության մայիսի 7-ի նիստում։

Արմինֆո.Հայաստանում զբոսաշրջության ոլորտում զարմանալի գործընթացներ են տեղի ունենում։ Այդ մասին մայիսի 7-ին կառավարության նիստում հայտարարել է ՀՀ վարչապետ Նիկոլ Փաշինյանը։

Արմինֆո.  Երևանի քաղաքապետարանը մտադիր է 45 նոր տրոլեյբուս գնել։ ՀՀ կառավարությունը մայիսի 7-ի նիստում ընդունել է որոշում՝ "Երևանի էլեկտրատրանսպորտ" ընկերությանը ազատել մաքսատուրքերից ներմուծվող տեխնիկայի համար:

Արմինֆո.  Հայաստանի տարածքային կառավարման եւ ենթակառուցվածքների (ՏԿԵ) նախարար Դավիթ Խուդաթյանն այսօր ընդունել է ԱՄՆ պետքարտուղարի՝ Եվրոպական և Եվրասիական հարցերով փոխտեղակալ Սոնաթա Քոուլթերի գլխավորած պատվիրակությանը։

Արմինֆո.  Մայիսի 8-ին Հայաստանում տեղի կունենա նշանակալի իրադարձություն, որը վերաիմաստավորում է երկրի տեխնոլոգիական զարգացման ուղղությունը։ Հանդիսավոր ձևաչափով կներկայացվի Zeyro-ն՝ առաջին հայկական արհեստական բանականությունը, որը ստեղծվել է նոր ստանդարտներ սահմանելու և ժամանակակից շարժունակության ու թվային ծառայությունների տրամաբանությունը վերաձևակերպելու համար։ Այդ մասին ասվում է Zeyro թիմի հաղորդագրությունում։

Արմինֆո.

Արմինֆո.

Արմինֆո.Moneytun միջազգային արագ դրամական փոխանցման համակարգը նշում է իր 20-ամյակը, իսկ ԱրարատԲանկն ու Moneytun-ը՝ համագործակցության հոբելյանական 10-ամյակը։

Արմինֆո.Արդշինբանկը շարունակում է աջակցել Հայաստանի փոքր և միջին ձեռնարկատիրության զարգացմանը՝ բարելավելով ֆինանսավորման պայմանները և ընդլայնելով բիզնեսի համար հասանելի հնարավորությունները։

Արմինֆո.

Արմինֆո.ՀՀ ՏԿԵ նախարար Դավիթ Խուդաթյանն այսօր ընդունել է Ղազախստանի Հանրապետության ատոմային էներգիայի գործակալության նախագահ Ալմասադամ Սատկալիևի գլխավորած պատվիրակությանը։ 

Արմինֆո.Հայաստանում, երկու տարվա պասիվությունից հետո, վերջապես 2026 թվականից աշխուժացել է գյուղատնտեսական ռիսկերի ապահովագրությունը։ Ըստ Ագրոապահովագրողների ազգային գործակալության (AINA) տվյալների, 2026թ.առաջին եռամսյակում կնքվել է 3626 պայմանագիր, ապահովագրավճարների ընդհանուր ծավալը կազմել է 705.5 մլն դրամ (1.9 մլն դոլար), որի 55% - ը (387.7 մլն դրամ) ապահովագրական ընկերությունների մասնաբաժինն է, իսկ 45% - ը (317.9 մլն դրամ)՝ սուբսիդավորվող գումարը ։ Ապահովագրված հողատարածքների ընդհանուր մակերեսը կազմում է 3775 հա:

Արմինֆո. Evocabank-ը և Proparco-AFD-ն ստորագրել են 20 մլն եվրոյի վարկային համաձայնագիր՝ ուղղված Հայաստանում կանանց ձեռներեցության և վերականգնվող էներգիայի զարգացմանը։

Արմինֆո. Ամերիաբանկը և Զարգացման ֆրանսիական գործակալության (AFD Group) դուստր ձեռնարկություն Proparco-ն ստորագրել են 75 միլիոն եվրոյի վարկային պայմանագիր: Պայմանագիրը, որն ստորագրվել է Ֆրանսիայի նախագահ Էմանուել Մակրոնի՝ Հայաստան կատարած պետական այցի շրջանակներում, նպատակ ունի աջակցելու Հայաստանի գյուղատնտեսությանը, ինչպես նաև միկրո, փոքր և միջին ձեռնարկատիրություններին (ՄՓՄՁ):

Արմինֆո. Հայաստանի ապահովագրական ընկերությունները, բարելավելով ապահովագրավճարների դինամիկան, կարողացել են պահպանել շահույթի աճի բարձր տեմպերը։ Այսպես, 2026թ. առաջին եռամսյակում ապահովագրավճարների տարեկան դինամիկայի 7% անկումից 3% աճի հասնելը թույլ է տվել ապահովել զուտ շահույթի 77,4% աճ (մեկ տարի առաջվա 82,3% աճի դիմաց)։ Բայց շահույթի աճի որոշ չափով դանդաղումը բացատրվում է ապահովագրական փոխհատուցումների դինամիկայի ավելի ցայտուն բարելավմամբ՝ 0,2% անկումից մինչև 19,4% աճ: Այդ մասին են վկայում ԱրմԻնֆո-ի պատրաստած Հայաստանի ապահովագրական ընկերությունների ֆինանսական վարկանիշի 31.03.2026 թ. տվյալները, որոնք հիմնված են հրապարակված ֆինանսական հաշվետվությունների և ԱԸ-ներից լրացուցիչ պահանջված ցուցանիշների վրա:

Արմինֆո.Երևանում հանդիպում է տեղի ունեցել Թուրքմենստանի արտաքին գործերի փոխնախարար Ահմեթ Կուրբանովի և ՀՀ արտաքին գործերի փոխնախարար Մնացական Սաֆարյանի միջև։

Արմինֆո.Հայաստանում կշարունակվի համայնքների խոշորացման գործընթացը։ ՀՀ Ազգային ժողովը մայիսի 6-ի լիագումար նիստում քննարկում է ՀՀ կառավարության կողմից առաջին ընթերցմամբ ներկայացված "Վարչատարածքային բաժանման մասին" օրենքի փոփոխությունները: