Հայաստանի արդյունաբերության հատվածն անկումից հասել է երկնիշ աճի

Արմինֆո. Հայաստանի արդյունաբերության հատվածը 2026 թվականի առաջին եռամսյակում հասել է 13,4% աճի (2025 թվականի նույն ժամանակահատվածի 18,5% անկումից), որը  կազմել է 748 մլրդ դրամ (1,9 մլրդ դոլար)։ Միայն մարտ ամսին արդյունաբերական արտադրության ծավալները կրճատվել են 2%-ով՝ մինչեւ 256.5 մլրդ դրամ (679.7 մլն դոլար)։ Այդ մասին են վկայում ՀՀ վիճակագրական կոմիտեի տվյալները։

Արդյունաբերության հատվածի տարեկան դինամիկայի բարելավումը պայմանավորված է ինչպես վերամշակող արդյունաբերության, այնպես էլ հանքարդյունաբերության ծավալների անկումից դեպի աճ շրջադարձով։

Մասնավորապես, հանքարդյունաբերությունը ցուցադրել է 36,8% աճ (2025թ․ նույն ժամանակահատվածի 10,6% անկման դիմաց)՝ ապահովելով 163.8 մլրդ դրամ ծավալ։ Մարտին հանքարդյունաբերությունն աճել է 17,7%-ով՝ մինչեւ 60.9 մլրդ դրամ: