Արդյունաբերության հատվածի երկնիշ աճն արագացրել է արդյունաբերական արտադրանքի գների ինդեքսի ընթացքը

Արմինֆո. Հայաստանում արդյունաբերական արտադրանքի գների ինդեքսը արտահայտված բարձրացել է 2026թ. հունվար-մայիսին՝ 2025թ. նույն ժամանակահատվածի համեմատ՝ 102,1%-ից  մինչև 108,9%: Դա դիտվել է արդյունաբերական ոլորտի տարեկան դինամիկայի բարելավման ֆոնին՝ 14,1% անկումից մինչեւ 12,2% աճ՝ ապահովելով 1,3 տրլն դրամ  ծավալ (3.4 մլրդ դոլար)։ Այդ մասին են վկայում ՀՀ Վիճակագրական կոմիտեի նախնական տվյալները։ Արդյունաբերական արտադրանքի գների ինդեքսի համանման աճ է գրանցվել 2026թ. մայիսին՝ 2025թ. մայիսի համեմատ՝ 102,2% - ից մինչեւ 109%։ Դիտարկվող այս ժամանակահատվածում արդյունաբերության հատվածի դինամիկան նույնպես շրջվել է դեպի 9,5% աճ (մեկ տարի առաջվա 5,9% անկումից)։

Հատկանշական է, որ դիտարկվող այս ժամանակահատվածներում Հայաստանի սպառողական շուկայում արձանագրվել է գնաճ ։ Մասնավորապես, 2026թ. հունվար-մայիսին 2025թ. նույն ժամանակահատվածի համեմատ գնաճը կազմել է 4,5%, իսկ 2026թ. մայիսին 2025թ. մայիսի համեմատ գնաճը կազմել է 4,2% ՝ նախորդ տարվա նույն ժամանակահատվածի, համապատասխանաբար, 3% և 4,3% գնաճի դիմաց: Ընդ որում, սպառողական շուկայում գնաճը, հիմնականում, պահպանվել է սննդամթերքի գների բարձրացմամբ. 2026թ. հունվար-մայիսին 2025թ. նույն ժամանակահատվածի համեմատ՝ 7,3%, իսկ 2026թ. մայիսին 2025թ. մայիսի համեմատ՝ 6,5%, ինչը դիտվել է նաև մեկ տարի առաջ նույն ժամանակահատվածում, երբ սննդամթերքի գներն աճել էին, համապատասխանաբար, 5%-ով և 7,2%-ով: Միաժամանակ շարունակում են թանկանալ ծառայությունները՝ 2026թ. հունվարին նույն 2,7%-ով ՝ 2025թ. նույն ժամանակահատվածի և 2026թ. մայիսին 2025թ. մայիսի համեմատ, մեկ տարի առաջ, համապատասխանաբար, 2,8% և 3,1% նույն տեմպերի դիմաց:

Հարկ է նշել, որ դա ուղեկցվում է Հայաստանում տնտեսական ակտիվության աճի արագացմամբ 2026թ. հունվար-մայիսին ՝ տարեկան 5,7%-ից մինչև 8%, իսկ 2026թ.մայիսին ՝ 2025թ. մայիսի համեմատ՝ 10,4%-ից մինչև 11,7% աճի արագացմամբ ։ Զուգահեռաբար նկատվում է արտաքին առևտրաշրջանառության անկման թուլացում. 2026թ. հունվար-մայիսին՝ տարեկան 49%-ից մինչև 0,1%, իսկ 2026թ. մայիսին 2025թ. մայիսի համեմատ՝ 28,8% - ից մինչև 5,3%: Մասնավորապես, 2026թ. հունվար-մայիսին արտահանման անկումը դանդաղել է տարեկան 57,4%-ից մինչև 3,7%,  ներմուծման դինամիկայի 42% անկումից  դեպի 2,2% աճ շրջադարձի դեպքում, իսկ 2026թ. մայիսին 2025թ. մայիսի համեմատ արտահանման և ներմուծման անկումը դանդաղել է 39,3-20,4%-ից մինչև 11,5-1,6%: (Դրամի միջին հաշվարկային փոխարժեքը 2026 թվականի հունվար-մայիսին կազմել է 375,53 դրամ/1դոլար, մեկ տարի առաջվա 392,72 դրամի դիմաց) ։