Արմինֆո. ՀՀ էկոնոմիկայի նախարար Գևորգ Պապոյանը հրաման է ստորագրել Դավիթ Գևորգյանին "Արարատցեմենտ" ՓԲԸ կառավարիչ նշանակելու մասին: Այդ մասին սոցիալական ցանցերում հաղորդեել է ինքը՝ նախարարը։
Այսօր ավելի վաղ նա հաղորդել էր, որ գործարանի նոր գլխավոր տնօրենը կլինի Էկոնոմիկայի նախարարության աշխատակիցը։ "Երկրի իշխանությունները ոչ պակաս շահագրգռված են, որպեսզի տնտեսական ակտիվներն աշխատեն ողջ հզորությամբ", - ընդգծել էր Գևորգ Պապոյանը:
Հիշեցնենք, որ Հակակոռուպցիոն դատարանի որոշմամբ "Արարատցեմենտ" ձեռնարկությունը հանձնվել է Հայաստանի Հանրապետության կառավարմանը՝ ի դեմս ՀՀ էկոնոմիկայի նախարարության: Հուլիսի 6-ին իրավապահները խուզարկություններ էին իրականացրել "Բարգավաճ Հայաստան" կուսակցության առաջնորդ Գագիկ Ծառուկյանի տանը, ինչպես նաև 70-ից ավելի հասցեներում, այդ թվում ՝ Multi Group կոնցեռնի մեջ մտնող ընկերություններում: Քննչական գործողությունների ավարտից հետո Ծառուկյանը ձերբակալվել էր և տեղափոխվել ՀՀ քննչական կոմիտե: Նրան մեղադրանք է առաջադրվել առերևույթ խարդախության և առանձնապես խոշոր չափերով դրամական միջոցներն օրինականացնելու համար: Նույն օրը դատարանի որոշմամբ Ծառուկյանը կալանավորվել է երկու ամսով։ Ծառուկյանն՝ ինքը, հերքում է առաջադրված մեղադրանքները, նշելով, որ տեղի ունեցողը իշխանությունների քաղաքական դրդապատճառներով ճնշում է ։ Ձեռնարկություններում իրավապահ մարմինների կողմից իրականացված քննչական գործողություններից հետո վերջիններս կապարակնքվել են, այդ թվում ՝ "Արարատցեմենտ" - ը: Գործարանի աշխատակիցները հուլիսի 6-10-ը ակցիաներ էին անցկացնում ՝ պահանջելով վերսկսել գործարանի աշխատանքը։ Հուլիսի 10-ին ձեռնարկության տարածք էր ժամանել էկոնոմիկայի փոխնախարար Էդգար Զաքարյանը: Ընկերության ղեկավարության հետ բանակցություններից հետո նա լրագրողներին հաղորդել էր, որ գործարանը կվերսկսի աշխատանքը՝ արդեն հաջորդ օրը, իսկ Էկոնոմիկայի նախարարությունը պատրաստ է աջակցել արտադրական գործունեության ընթացքում հնարավոր խնդիրների լուծմանը:
Դավիթ Գևորգյանը նախկինում աշխատել է որպես Եվրասիական տնտեսական հանձնաժողովի Գործերի կառավարման դեպարտամենտի տնօրենի տեղակալ:
