Արմինֆո. ՀՀ փոխվարչապետ Մհեր Գրիգորյանը երեկ ընդունել է Համաշխարհային բանկի Մերձավոր Արևելքի և Արևելյան Եվրոպայի ենթակառուցվածքային ծրագրերի տարածաշրջանային տնօրեն Չարլզ Կորմիեին: Հանդիպմանը ներկա է եղել նաև Համաշխարհային բանկի տարածաշրջանային տնօրեն Ռոլանդ Փրեյսը, հաղորդում է կառավարության մամուլի ծառայությունը։
Ողջունելով հյուրերին՝ փոխվարչապետը, օգտվելով առիթից, շնորհակալություն է հայտնել Համաշխարհային բանկի թիմին՝ Հայաստանի համար կարևոր բարեփոխումների իրականացման գործում ցուցաբերած աջակցության համար։
Հանդիպման ընթացքում քննարկվել են տարածաշրջանային զարգացումները և «Աշխարհի խաչմերուկ» նախաձեռնությունը: Կողմերը մտքեր են փոխանակել այն հնարավորությունների վերաբերյալ, որոնք կբացվեն տարածաշրջանի երկրների համար ներդրումների, էներգետիկայի, տրանսպորտի և առևտրի ոլորտներում, եթե տարածաշրջանում բոլոր հաղորդակցությունները բացվեն։
